ازاي تلاقي فكرة مشروع ؟

كتابة : إينار

ازاي تلاقي فكرة مشروع ؟

كلنا عارفين ان الفكرة العظيمة هي اللي بتسد احتياج عند الناس.

البيزنس في الفترة الاخيرة بيدور عن ” القيمة “

كل اما تقدم قيمة حقيقية للناس كل اما كان البيزنس ناجح

عشان كدا هنساعدك بشوية نصايح في تحديد فكرة مشروعك

1 – انت بتعرف تعمل ايه ؟

لازم تعرف ايه موهبتك ايه الحاجات اللي بتحبها ايه اللي انت شاطر فيه

بتحب التعامل المباشر مع الناس ولا الامور المكتبية ؟

بتحب تحسب كل كبيرة وصغيره ؟

عندك لغة كويسة ولا لا ؟ اقعد اكتب ودور علي مهاراتك

واعمل اختبار MBTI هيساعدك

قبل ما تفكر في الفكرة لازم تفهم نفسك الاول وايه تقدر تقدمة لغيرك وامكانياتك

2- جرب جرب جرب

جرب كل حاجه وانطلق سافر اماكن جديدة اتعرف علي ناس جديدة

ربنا خلقنا مختلفين عشان نكمل بعض فاتعامل مع ناس مختلفه عنك

فهتشوف الدنيا بعين غير عينك

دا بيفتحلك فرص مكنتش شايفها قبل كدا

وخد في حساباتك اراء وتجارب غيرك

3 – مركز ومتابع

خليك دايما متابع الاحداث اللي بتحصل حواليك دايما في فرصه في كل تغيير

الدلنا كلها بتتغير والاحتياجات بتزيد وخبرتك بتزيد

وقدرتك علي توقع المستقبل هتبقي اسهل وتقدر توصل لفرص اسرع

4 – دور علي المشاكل

كل اما كان في مشكلة .. كل اما كان في فرصة منتج

كل الحكاية ان كلمة السر هي ” المشكلة “

ايه هي المشكلة ؟ حد قدم لها حلول ؟ ايه المتاح ؟

وهل المتاح دا كافي ولا لسه السوق محتاج ؟

وحط في دماغك ان 2 شباب حبوا يتبادلوا فيديوهات مع اصحابهم وملقوش حاجه موفره دا فعملوا اليوتيوب

وكمان شاب شاف مشكلة تواصل في الجامعة فعملهم شبكة تجمع الطلبة ببعض قام عامل فيس بوك

متهيألي كدا كفاية

حل المشكلة بقي ممكن يكون عن طريق كذا حاجه :

الاختراع

أنك تعمل حاجه محدش عملها غيرك .. منتج محدش نزل بيه قبل كدا

تطوير منتج موجود بالفعل

ودا انك تضيف قيمة زيادة او تطور في جزء في المنتج نفسه

زي اللابات والموبايلات كل يوم نلاقي تطوير جديد بمميزات جديدة احسن من اللي قبلها

5 – اعمل بحث سوق

شوف السوق محتاج ايه وعاوز ايه .. البحث دا هيخليك شايف تصور أكبر عن الدنيا حواليك

لازم توصل لاجابة سؤال ” الناس عاوزة ايه ؟

يخليك تدخل في اعماق الامور والناس عشان تعرف اكتر انك تصطاد الاحتياج دا

6 – تابع الناس المؤثرة

سواء في المجال او غيره لان الناس دي عندهم عدد كبير من الناس

بيتكلموا عن مشكلة او عن تجربة او عن اي حاجه وكمان تتعلم الناس المؤثرة دي

بتتعامل ازاي وقدر يستغل الفرص اللي وصلته لكدا ازاي

وايه القيمة اللي بيقدمها للناس وبيقدمها ازاي

7 – اقرأ

اقرا كتير في مجالات كتير واقرا عن شركات كتير اللي نجحت واللي فشلت

هتتعلم من خبراتهم وقصصهم واقع مختلف كتييير وهيفتح قدام عنيك ابواب مكنتش شايفها قبل كدا

..

اتعب ودور وفكر لان دا أساس كل الخطوات بعد كدا

ومحدش بيتعب وتعبه بيروح

للمزيد من المقالات :